Тимскиот шеф на Ред Бул, Кристијан Хорнер, побара редовни победи од Серхио Перез за да стане сериозен кандидат за титула сезонава.
Мексиканецот победи на двете трки низ улиците на Баку и дојде речиси до максималниот број поени од викендот, единствено поенот за најбрз круг му го одземе Расел, така што се приближи на само 6 поени до Макс Верстапен. Тоа беше 6та победа во кариерата на Перез, а единствено првата, која не беше за Ред Бул, беше во Бахреин, а останатите на улични трки. Тој стана единствен возач со две победи во Азербејџан, првата беше во 2021 година.
Поради сето тоа, Хорнер побара од возачот да почне да победува и на традиционални патеки ако сака сериозно да се кандидира за наслов.
треба да почне да победува на нормални патеки затоа што очигледно е дека е одличен на уличните. сите негови победи ни доаѓаат добро на нас, единствен е со две победи низ баку, а победувал и во џеда, монако и сингапур, така што треба да почне да го прави тоа и на традиционални автодроми – побара хорнер.
Со Хорнер се сложи и Џенсон Батон кој посочи дека ако Чеко сака сериозно да се наметно, треба да победи и во Мајами за да докаже дека е во одлична форма.
Но, самиот возач смета дека со двете победи на првите четири трки, негов најдобар старт во кариерата, покажал дека е во лов на титулата. Дополнително, да ги немаше проблемите во Австралија, лесно можеше да биде лидер во шампионатот.
пред нас е долга година и навистина верувам дека сме во борба за титула и мислам дека да ги немав проблемите од квалификациите во мелбурн, ќе бев поблиску.
важно е да немам проблеми или истите да бидат светени на минимум затоа што на крајот на денот е да максимизираме поени онаму каде не можеме да победиме.