Тимскиот шеф на Ред Бул, Кристијан Хорнер, тврди дека овогодинешниот Формула 1 календар е пред пресвртница.
Иако имаше закажани 24 трки за 2023 година, сепак, со откажувањето на Кина поради Ковид-19 политиката се намали бројот, а од пред некоку денови, поради силно невреме се откажа и трката во Имола поради која сега бројот “падна“ на 22 трки.
Хорнер сепак има свое мислење и бара да се подобри логистиката во календарот.
За мене треба најмногу да има 23 трки, а Мислам дека и три последователни трки се многу. Бевме во Баку, потоа во Мајами и сега три трки во Европа. Тоа е брутално за патување.
23 недели во годината се премногу за луѓето за само 2 часа трка. Тоа е голема обврска и мислам дека е повеќе од доволно – посочи тимскиот шеф на ред бул.
Хорнер го критикуваше и Доменикали за додавањето на патеки како Лас Вегас и Мајами. Според него. треба да се гледа за иднината на легендарните Спа, Силверстон и Монца.
Секоја година го прават истиот трик. Тој кажа дека не смее да се загуби Монако, Монца или Силверстон, а подоцна кажува одиме во Вегас, ајде одиме во Мајами. Треба да се видат историските патеки и новите патеки на кои не може да им се каже не, Но над 23 трки е премногу.
Од скоро и Јужна Африка пројави интерес за враќање во Формула 1 и веќе се размислува за тоа. Хорнер е сигурен дека може да се направи комбинација од нови и стари патеки.
Мислам дека треба да има натпревар меѓу постоечките патеки и да се внимава во додавањето на нови бидејќи сега сме на пресвртница.