Мартин Брандл го повикува Шарл Леклер да престане со неговите скапи грешки бидејќи тоа го задржува и него и тимот на Ферари.
Последен пат на Големата Награда на Мајами, Леклер излета за време на петочните тренинзи и на неговиот последен К3 круг во саботата. Ферари претрпе тешки воведни пет трки во 2023 година и моментално се наоѓа на четвртото место во шампионатот за конструктори. Преку различни грешки на патеката, Леклер се смета како склон на грешки, особина која Брандл вели дека возачот од Монако мора да ја отстрани.
Ферари се бори за темпо на трката и далечното петто и седмо место беа лош резултат за нив – напиша тој во својата колумна за Скај Спортс.
Леклер мора да престане да го уништува својот болид, тоа го кочи него и тимот. Секогаш има последици за време на тркачкиот викенд од тие инциденти и му требаше нов под по квалификациската несреќа што можеби придонесе за потскокнувањето и проблемите што ги пријави на трката.
Тој е неверојатно брз и посветен и може да си дозволи да замени мал дел од тоа за да изгради подобар тркачки викенд, а со тоа и подобра сезона. Тој мора да го води тимот до повисоки постигнувања и да не ги држи механичарите толку зафатени.