Макс Верстапен продолжи онаму каде што застана, со најбрзо време, овој пат на првиот ден од тридневниот предсезонски тест на автодромот Шакир во Бахреин
Актуелнио и двократен шампион постави најбрзо време кое беше за минимални 3 стотинки од времето по круг на исто така двократниот првак, Фернандо Алонсо од Астон Мартин. Следуваа двата болиди на Ферари, Карлос Саинз со нешто над 4 десетинки заостаток и Шарл Леклер со 14 илјадити делови од секундат побавен круг од својот колега.
Ландо Норис од Мекларен беше 5ти со повеќе од 6 десетинки побавен круг од Ред Бул, додека Луис Хамилтон беше половина секунда зад него. Александер Албон имаше 7ми круг по вредност и беше половина секунда по обиколка побрз од кинеот Гуанју Жу од Алфа Ромео, додека последен во топ 10 беше дебитантот на Вилијамс, Логан Сарџент.
Алпин беа разочарувачки на 17то и 18то место, единствено пред Оскар Пиастри од Мекларен и Кевин Магнусен од Хаас и тие 4ца беа единствени со над 2 седкунди заостаток од најбрзото време.
Во однос на бројот на кругови, Макс Версапен беше најбрз и во таа категорија со 157 обиколки, но беше и единствен возач кој одработе цел ден. Луис Хаилтон имаше 83 кругови и заедно со 69те на Расел, комплетираа 152 за “сребрените стрели“. Логан Сарџент и Алекс Албон имаа 75 односно 74 кругови, вкупно 149 за тимот, а Саинз и Леклер 136 заедно.