Макс Верстапен изјави дека пензионирањето на Себастијан Фетел било нешто што се очекувало на крајот од оваа сезона.
Четирикратниот првак најави дека го напушта спортот по 15 години Формула 1 кариера во која освои четири титули со Ред Бул и последната победа ја имаше во Сингапур во 2019 година со Ферари. Од 2020 година навака тој има само два подиума.
Сите стареат и во еден момент мора да се пензионираат. Мислам дека за Себ ова беше очекуван момент. Важно е да ужива со семејството бидејќи Формула 1 е краток период од животот во кој треба да се постигнат некои работи и сега е време за уживање – посочи актуелниот првак.
Верстапен го пофали уделот на Фетел во спортот и дека неговиот успех ја оправдува одлуката да си замине.
На крајот на денот, тој постигна многу во спортот и целосно го разбирам што се пензионира. Мислам дека имаше одлична кариера со многу победи и титули.