Од Мерцедес велат дека наоѓањето на оптимална поставеност за квалификациите и за еден тренинг во Баку ќе биде незгоден предизвик за нивните инженери и возачите.
Големата Награда на Азербејџан овој викенд ќе ја вклучи првата од шест спринт трки во Формула 1 што ќе се одржат оваа година. Сепак, во новиот формат, саботното возење ќе биде исклучиво посветено на спринт настанот. Вториот петочен тренинг е заменет со квалификации што ќе го постават гридот за попладневниот самостоен 30 минутен спринт, додека распоредот во Петок ќе вклучува Т1 и нормална квалификациска сесија која ќе ги одреди стартните позиции за неделната трка.
Спортскиот директор на Мерцедес, Рон Медоус, сподели информации за процесот потребен за справување со новиот распоред на спринт трката и тимовите имаат само една 60-минутна работна сесија за да ги постават своите болиди.
Новиот формат нема да предизвика големи промени во начинот на работа на персоналот во гаражата во текот на викендот – објасни Медоус.
Меѓутоа, кога додавате сесии за кои е потребен 100 процентен напад од возачите и секој круг е важен за да се пласирате во следната фаза, секогаш имате ризик од судар.
Ќе биде многу незгодно за инженерите и возачите да најдат оптимална поставеност и за квалификациите и за обновувањето на тешкото гориво за трки.
Ќе треба да го максимизираме бројот на кругови во Т1, така што веројатно нема да планираме да правиме промени во поставувањето што го намалуваат времето на возење за возачите. Тоа е нов начин на работа за сите тимови и дава прилично голема можност да се истакнете.
Директорот за инженерство на Мерцедес покрај патеката, Ендру Шовлин, верува дека возачите најверојатно ќе се препуштат на возење повеќе кругови во саботната квалификациска сесија за спринт настанот, наместо во серија од еден летечки круг.
Возачите ќе одат директно на квалификациска сесија во сабота, што е многу невообичаено – коментира Шовлин.
Премногу е да се очекува возачите веднаш да извлечат перформанси во еден круг, па сметам дека сите ќе возат повеќе кругови.
Медиум гумата може да издржи повеќе кругови, но без да има неколку сетови на располагање, има поголеми шанси да имате среќа со црвено знаме на пример. Мислам дека сите ќе излезат на патеката и ќе бидат зафатени со обидот да извозат кругови.
Беше интересно бидејќи не го знаевме форматот до вторник, откако правилата беа изгласани на состанокот на Ф1 Комисијата.
Шовлин вели дека Мерцедес се подготвил за спринт форматот овој викенд, подготвувајќи се за сите евентуални можности и поставувајќи ги своите приоритети.
Разгледавме три евентуални можности што можеби ќе се случат и подготвивме планови за гумите и за сите тие работи – рече тој.
Кога имате само Т1, практично е невозможно да ги соберете сите вообичаени лекции во петок и сабота во една сесија. Ја губите можноста да се фокусирате на долги серии и мора да размислите кои се вистинските приоритети.
Наша работа е да преземеме секакви прописи и да ги оптимизираме. Со недостаток на информации, постои можност да се учи побрзо и да се заврши подобра работа. На тоа е фокусиран тимот.