Дејвид Култхард вели дека оценката на Тото Волф за болидот W14 е удар за дизајнерскиот тим на Мерцедес.
На отворањето на сезоната за Големата Награда на Бахреин, Волф призна дека нивниот уникатен концепт на болид, кој се одликува со тесна конструкција на страничните подножја, нема да го направи тимот конкурентен во иднина.
Не мислам дека овој пакет на крајот ќе биде конкурентен – рече тој.
Ние го дадовме најдоброто од себе во текот на зимата и сега треба да се прегрупираме, да седнеме со инженерите, кои тотално не се догматични за ништо и да одлучиме која е насоката на развој што сакаме да ја следиме во иднина за да бидеме конкурентни за победа на трки.
Мерцедес се квалификуваше на шестото и седмото место за трката во Шахир, но беше надминат од Ред Бул, Ферари и Астон Мартин за време на викендот. Зборувајќи за Канал 4, Култхард вели дека коментарите на Волф ќе бидат голем удар за дизајнерскиот тим на Мерцедес.
Мислам дека беше брутално. Овој болид е возен само шест дена, неколку дена тестирање, три дена овде. Не знам од каде доаѓа сето тоа.
Но да, тие имаат сосема поинаква стратегија со страничните подлоги. Тие јасно треба да се обидат и да го сменат пакетот сега, Но тоа е голем удар за дизајнерскиот тим.
Макс Верстапен доминираше на трката и стигна до победа, додека двајцата возачи на Мерцедес беа вклучени во жестока борба со Фернандо Алонсо во текот на 57те кругови. Иако Култхард признава дека Ред Бул во моментов е класа на гридот, тој вели дека Мерцедес сè уште не треба да бидат толкави песимисти во однос на своите изгледи за сезоната.
Мислам дека тоа ќе се потврди во однос на победничкиот болид. Макс стигна до победа на апсолутен начин.
Во однос на тоа дали се дефинирани како најдобри од останатите, потенцијално може да бидат. Во ред, Шарл Леклер не заврши, но не е толку лошо како што изјави тој по квалификациите.