Бесниот Шарл Леклер ги моли Ферари да се подобрат откако возачот не успеа да стигне до К3 во втора последователна трка и ги заврши квалификациите на 11то место за Големата Награда на Канада.
Леклер, кој се квалификуваше на 19то место за Големата Награда на Шпанија минатиот пат, кружеше околу патеката Жил Вилнев во Монтреал во променливи услови во К2 сегментот на квалификациите.
Но, кога патеката беше полусува, Леклерк се обрати со радио до Ферари за да се префрли на мазни гуми, повик исто така упатен од возачот на Вилијамс, Алекс Албон.
Сепак, барањето на Леклер не беше веднаш послушано и додека Албон беше во можност да напредува до К3 како најбрз во сегментот, Леклер остана надвор да постави круг на интермедиа гуми, пред да се најде себеси во зоната за елиминација.
Многу сум фрустриран од квалификациите. Не е сè до пневматиците очигледно затоа што некои други го направија истото и сепак поминаа во К3 со интермедиа. Но, ние само си го отежнуваме нашиот живот.
Си го отежнуваме нашиот живот. Многу сум фрустриран сега и искрено, треба да се подобриме и да направиме чекор напред, инаку секогаш ќе бидеме разочарани, така да, треба да се подобриме веднаш.
Не ја следевме мојата интуиција во тој момент и мислам дека тоа не стави во многу тешка ситуација после тоа и ја плативме цената. Значи, јас сум многу фрустриран и многу разочаран од денешниот ден, а утре ќе се обидам да ја извозам најдобрата можна трка.
Запрашан, во меѓувреме, што ќе им каже на Ферари кога подоцна ќе разговараат, Леклер одговори:
Она што ќе му го кажам на тимот ќе остане помеѓу мене и тимот, но нема тајни.
Очигледно ќе разговарам со тимот за да се подобриме, бидејќи не е прв пат да сме на погрешна страна во тие услови.