Возачот на Ферари имаше тежок ден на Хунгароринг.
Шарл Леклер ги критикуваше оние кои забележуваат само лоши перформанси по тешката трка до седмото место за Големата Награда на Унгарија.
Возачот од Монако беше шести, но беше пласиран зад возачот на Мерцедес, Џорџ Расел, откако доби казна од пет секунди за брзо возење во боксот при неговото второ влегување.
Тоа беше уште еден разочарувачки ден за Ферари, кои завршија зад двата Ред Бул, и Мекларен и Мерцедес.
Скудерија повторно беше неодлучна со стратегијата со двајцата возачи на различни стратегии, додека очигледниот неуспех на пиштолот за тркалата го чинеше Леклер рано застанување во бокс од 9,4 секунди.
Пит-стопот беше бавен, а потоа имав казна од пет секунди за брзо возење во боксот – изјави Леклер за медиумите.
Значи, да, беше тешко и искрено е фрустрирачки затоа што се чувствував добро со темпото што го имавме. Дури и како возач кога се чувствуваш дека добро си ја работиш работата со болидот што го имаш, никој навистина не го забележува тоа, а кога вршиш лоша работа, сите го забележуваат тоа.
Тешко е, но на крајот, тоа е дел од играта.
Додека резултатот на Ферари го намали дефицитот кон третопласираниот Астон Мартин во поредокот за конструктори, неодамнешните перформанси на Мекларен по големиот пакет за надградба доведоа екипата од Вокинг да се доближи на 80 поени од Скудерија.
Сметам дека резултатот е многу полош отколку што изгледа – додаде Леклер.
При првиот стинт се беше навистина добро, а потоа бавното застанување не заглави зад Ленс Строл.
Морав да притискам многу, а потоа бев зад Карлос и изгубив малку време таму, а потоа во третиот стинт морав повторно да притискам.
Болидот беше добар, така што чувствувам дека резултатот е полош отколку што изгледа, но во споредба со Ландо, ние сè уште заостануваме.