Хелмут Марко се пошегува дека Макс Верстапен може мирно да спие по неговото доцно барање до Ред Бул да го извози најбрзиот круг на Австриското ГП.
На патеката за петта последователна победа од девет трки, Верстапен побара од својот тим да му биде дозволено да влезе во бокс во завршните фази во обид да го постигне најбрзиот круг и да извлече максимални 34 поени.
Тимот го дозволи барањето на крајот од кругот 69 од вкупно 71, при што Верстапен постигна време од 1:07.012 за да обезбеди дополнителен поен.
Тоа сега значи дека тој ужива 81 поен предност пред Серхио Перез во поредокот, а Хелмут Марко беше во опуштено расположение по трката.
Пет минути пред крајот на трката бевме удобно во водство, но тој сакаше нови гуми и беше незапирлив – објасни Марко.
Сега може мирно да спие!
Разговаравме и му дозволивме, така што нема никаков проблем. Имаме механичари што секогаш менуваат гуми за две до две и пол секунди.
Водството беше големо, така што немаше да тргне наопаку, но сепак имавме добар сет на меки гуми, така што навистина не требаше ништо да ризикуваме.
Идејата беше во главата на Макс. Сакаме нашите возачи да бидат среќни.
Вториот Ред Бул на Серхио Перез го освои третото место за неговиот прв подиум по второто место во Мајами, а Ред Бул исто така го зацврсти своето место на врвот на табелата и сега му предводни на Мерцедес со 199 поени.