Мерцедес најверојатно ќе отстранат голем број на промени на својот болид, откако неуспешно експериментираа со болидот за време на втората тренинг сесија во петокот.
Мерцедес, кој се бореше за темпо во поголемиот дел од сезоната оваа година, експериментираше со својата поставеност во текот на вториот тренинг во Унгарија. Сепак, нивната брзина беше далеку од лидерите, а Џорџ Расел го постави деветтото најбрзо време, речиси цела секунда зад Шарл Леклер.
Тимот со седиште во Брекли експериментираше со својот болид во неколку наврати оваа година, особено на страната на Луис Хамилтон, но нивните последни напори во Будимпешта се чини дека не помогнаа во потрагата по перформанси.
Пристигнавме сакајќи да направиме некои експерименти со болидот и мислам дека оние што ги правевме во Т2 со двајцата возачи не испорачаа – изјави главниот инженер на патека во Мерцедес, Ендру Шовлин.
На првата сесија изгледавме малку посилно, болидот повеќе функционираше како целина. Има неколку работи за кои сум прилично сигурен дека ќе ги отстраниме преку ноќ, бидејќи не изгледаше одлично.
Хамилтон и Расел се жалеа на состојбата на болидот во текот на целиот ден.
Луис имаше малку штета за време на една од неговите серии со пониско гориво. Тоа дефинитивно влијаеше на неговата серија со високо гориво. Но, мислам дека за некои од промените што ги направивме, тргнавме во погрешна насока.
Ние сме тука да научиме и не секогаш може да го направите болидот побрз, но мислам дека има две работи кои ќе ги отстраниме – додаде Шовлин.
Возачите може да се соочат со многу различни услови за време на квалификациите во Сабота, бидејќи се очекуваат врнежи во текот на денот. Шовлин најави дека тешката сесија на Мерцедес во петок значи дека дождот нема да биде најлошото сценарио за тимот, но признава дека сака да има повеќе суво возење за дополнително да го разберат болидот.
Имавме тежок Т2, но мислам дека ќе се соочиме со сосема различни услови во Т3 и во квалификациите.
Трката изгледа дека ќе биде многу поладна отколку што е денеска. Значи, не е крајот на светот, но би било убаво да се има сесија на која ќе можете малку да работите со болидот, а ова не беше тоа.
Има многу податоци низ кои треба да поминеме. Мислам дека ги знаеме првите работи што сакаме да ги направиме, а потоа влажното време е сосема поинаква игра.