Мерцедес не веруваат дека користење на агресивна стратегија како онаа на Даниел Рикардо ќе било доволно да го предизвикаат посилно Макс Верстапен за триумф на Мексиканското Гранд При.
Холанѓанецот стигна до својата 14та победа сезонава контролиајќи ги Мерцедес зад себе од почетокот до крајот на трката. Ред Бул почнаа на софт, “сребрените“ на медиум, додека втората серија “биковите“ ја одработеа на медиум, додека Хамилтон и Расел се одлучија за хард и очигледно погрешија. Од самиот почеток на серијата на хард, Луис не беше задоволен со гумите и сметаше дека се погрешни, а во еден момент Расел побара да влезе и да ги промени.
Даниел Рикардо од Мекларен своите стартни медиум ги возеше до 44от круг кога промени на софт и леташе до 4то место и покрај фактот што имаше казна од 10 секунди за сударот со Тсунода.
Тото Волф, шефот на Мерцедес, по трката кажа дека е лесно да се суди отпосле, но тие имале податоци кои велеле дека ја користат правилната стратегија.
Мислам дека едно застанување од медиум на хард беше вистинската стратегија. Тоа што медиум држеше до крај е вистинско изненадување. Доколку имаше рестарт ќе имавме различна гума.
Волф изјави дека Мерцедес одлучиле дека ќе загубат повеќе време доколку останат на медиум и подоцна променат на софт како што направи Рикардо.
Инженерите на Хамилтон и Расел ги уверуваа дека медиум на Ред Бул нема да издржат до крај но тоа не се случи.