Може ли Норис да ја прекине неверојатната форма на Верстапен оваа година?
Таткото на Ландо Норис, Адам, верува дека возачот на Мекларен е тој што ќе ја однесе борбата до лидерот во Ф1 шампионатот, Макс Верстапен.
Британецот заврши на второто место на Британското ГП, искористувајќи го максимумот од големиот пакет за надградба на Мекларен за во трката да се пласира како најдобар од останатите.
Норис беше посочен како потенцијален светски шампион, иако беше отфрлен поради неспособноста на тимот од Вокинг да се надоврзе на позитивните основи поставени во сезоната во 2021 година, кога ја обезбеди првата пол позиција на Големата Награда на Русија, каде што за малку ја пропушти првата победа.
Верстапен беше недопирлив оваа сезона, а само тимскиот колега од Ред Бул, Серхио Перез, ја прекина низата од победи, додека сега Холанѓанецот има 99 поени предност пред Мексиканецот по само 10 трки.
Говорејќи откако Норис изврши притисок врз двократниот шампион во раните фази на настанот во Силверстон, татко му на Норис изјави:
Гледав на тоа како шанса од 50-50 за тоа дали Ландо некогаш ќе влезе во Ф1 на денот кога го потпиша својот договор.
Толку е тешко да се влезе и работите да тргнат на погрешен пат, па не знаев.
Тој покажуваше ветувачки знаци кога беше навистина млад. Секогаш беше брз, многу брз, па ќе може да го притисне Макс.
Мислам дека тој е тој што ќе го победи Макс.
Дали Мекларен сега е најголемата закана за Ред Бул?
Верстапен посочи дека Норис бил премногу љубезен кон него кога не нудел одбрана во Бруклендс во петтиот круг од трката, откако го презеде водството во првиот свиок.
Но, неговиот татко објасни:
Ландо знаеше дека нема да остане прв, па сакаше да се увери дека ќе ја заврши трката правилно, наместо да губи време и да ги уништи гумите.
Да се дојде до второто место е одлично, подоцна во годината ќе одиме на првото и ќе има вистинско време и вистинско место да го постигнеме тоа.