Четирикратниот светски шампион во Формула 1, Алан Прост, верува дека има 50% шанси Луис Хамилтон да се откаже и да се повлече од Формула 1 пред сезоната во 2022 година.
Со секој изминат ден, шпекулациите и разговорите за иднината на Хамилтон се се посилни, поттикнати од молкот на британецот и видното отсуство од социјалните мрежи.
Веднаш по минатомесечното финале на Формула 1 во Абу Даби, кое одлучуваше за титулата, Хамилтон не даде никакви индикации дека неговиот пораз во Јас Марина од Макс Верстапен ќе имаат некакво влијание врз неговата иднина. Сепак, според извештајот оваа недела од Крег Слејтер од Sky News, Хамилтон бил погоден дури подоцна од реализацијата на настаните што се случија во Абу Даби.
Одтогаш разговарав со различни поединци кои имаа некаков контакт со него – коментира Слејтер.
Она што ми го објаснија е дека дури и ако се чинеше дека добро прифати се, тоа многу силно го погоди во следните денови.
Малкумина упатени во Формула 1 веруваат дека Хамилтон ќе се откаже во последен час, верувајќи му на 37-годишниот возач да се појави во секој момент, со свежа состојба на умот и вооружен со решеност да предизвика кон рекордна осма Формула 1 круна во 2022 година. Но, Прост не е убеден дека ситуацијата на Хамилтон е толку јасна како што многумина мислат дека е.
Тешко е да се ставиш во негова кожа. Тој сигурно има исто толку многу причини да застане колку да продолжи. Тоа е педесет педесет.
Прост се надева дека изгледите за битка со повеќе противници на патеката благодарение на регулативата на Формула 1 е примамлива за Хамилтон.
Сакам да останам оптимист затоа што претстои оваа осма титула и овој нов технички пропис, со можеби три тима на врвот и четворица или пет возачи кои се борат за титулата.
Тоа е предизвик кој Хамилтон можеби ќе сака да го превземе.