Даниел Рикардо верува дека повторувањето на неговиот облог со шефот на Рено ќе биде забрането за Мекларен, но се осврна на облог околу класичната колекција на автомобили на Зек Браун.
Седумкратниот победник на Формула 1 трки, Рикардо, му се приклучи на Мекларен на тригодишен договор пред сезоната 2021 по двегодишно возење во Рено.
Кога Рикардо потпиша за Рено, тој се обложи со тимскиот шеф Сирил Абитебул дека ако донесе подиум за фабричкиот тим, ќе се тетовираат на исто место со дизајн кој ќе го одбере тој. Рикардо два пати имаше топ 3 пласмани минатата година и се надеваше дека ќе се сретне со Абитебул пред крајот на минатата година за да ги направи тетоважите, но откри во Понеделникот дека сè уште нема да го сторат тоа.
Дефинитивно ќе знаете кога ќе завршам со Сирил. За жал, тоа сè уште не се случило, Но тоа ќе се случи, ќе се случи. Се разделивме под условите дека сè уште имаше некоја незавршена работа, а тоа беше тетоважата.
Се надевам дека тоа ќе се случи. Очигледно порано отколку подоцна, но дефинитивно ќе се случи – најави австралијанецот.
На прашањето од Motorsport.com дали би сакал да влезе во сличен облог со шефот на Мекларен Рејсинг, американецот Зек Браун, Рикардо откри дека Браун веќе сугерирал дека тоа е надвор од границите. Тоа го поттикнало Рикардо да размисли за алтернативни опции, споменувајќи ја обемната класична колекција на тркачки автомобили на Браун, која ги вклучува Лотус 79 на Марио Андрети, Мекларен МП4 / 6 на Аиртон Сена и МП4-16 на Мика Хакинен.
Само пред неколку часа ручавме со Зек и тој спомна нешто за тоа како мрази игли. Значи, не можам да видам дека ќе се случи тетоважа со Зек. Но, ќе помислиме на нешто друго.
Знам дека има прилично добра колекција автомобили и болиди, па можеби можеме само да се обложиме за некој од неговите автомобили или нешто слично.