Шафнауер вели дека сите во Формула 1 сакаат успех веднаш, но за жал, тоа не функционира така.
Отпуштениот тимски шеф на Алпин, Отмар Шафнауер, го критикуваше високото раководство во матичната компанија Рено за нетрпеливоста и за неисполнување на договорот за кој поранешниот тимски шеф мислел дека е воспоставен.
Шафнауер, американец со романско потекло, вели дека бил ангажиран со разбирање дека има 100 трки за да ги промени работите. Тој беше отпуштен по само 33 трки.
Мислам дека повисокото раководство во Рено, со извршниот директор Лука де Мео, како и сите во Формула 1, сакаа успех веднаш и за жал, тоа не функционира така во Формула 1 – рече Шафнауер.
му укажав дека е потребно време и процес за да се направи тоа, што е потребно, и откако сум дел од тркањето 34 години и 26 години во Формула 1, мислам дека зборувам со одреден степен на искуство кога велам што е потребно за да се промени насоката на тимот.
И тие сакаа да го направат тоа побрзо отколку што е можно, а јас едноставно, не можев да се согласам со нереален временски распоред затоа што ако го направите тоа, тоа е само прашање на време и сите се фрустрираат, па затоа изнесов многу реален и можен план и мислам дека сакаа да го скратат тој план со некој друг на мое место.
На 28 Јули, Шафнауер, заедно со спортскиот директор на тимот Алан Пермејн беа отпуштени од екипата. Шафнауер беше заменет, барем на привремена основа, од Бруно Фамин, потпретседател на Алпин Моторспортс.
Алпин, за кој се натпреваруваат возачите Естебан Окон и Пјер Гасли, влегоа во летната пауза во спортот на шестото место во Формула 1 шампионатот за конструктори, откако пред една година завршија на четвртото место. Шафнауер бил задоволен што направиле еден чекор назад оваа сезона со верба дека потезите што ги организирал ќе го направат тимот посилен понатаму.
Значи, има неколку работи што треба да ги направите, но има неколку работи што мора да ги правите во секој бизнис ако сакате да ги промените работите. Прво, мора да имате длабоко разбирање за она што го имате на прво место. Затоа, погледнете добро, разберете што имате длабоко суштински, разберете што е добро и разберете што треба да се промени или не треба да се промени.
може да има сетови на вештини што воопшто ги нема. Не е дека има сет на вештини што не се доволно добри, тие едноставно не постојат и токму тоа го најдов во Алпин.
Постојат празнини во организацијата во кои нивото на вештини е на многу елементарно ниво и тоа е затоа што луѓето што ги имаат таму само што дипломирале на пример, наспроти некој со 25 години знаење во тие области. Почнав да регрутирам, но најдобрите во Формула 1 обично се со долгорочни договори.
Мора да има убедлива причина да ја променат атмосферата и успеав да убедам многу луѓе во областите каде треба да се засилиме, но за жал тие требаше да дојдат при крај на 2023, повеќето во средината на 2024 и некои во 2025 година, и тоа е она што се обидував да го објаснам, дека земате пола чекор наназад за да направите два чекори напред, а тие во менаџментот едноставно немаа разбирање за тоа.
Или тоа беше нетрпеливост или емоција, но дефинитивно немаше разбирање и за жал, тоа е она што е потребно и тоа е она што го сакаа побрзо, но не преку мене.