Возачот на Ферари ќе стартува како 11ти на гридот за Големата Награда на Унгарија.
Карлос Саинз беше втората шокантна елиминација на квалификациите за Големата Награда на Унгарија со пропуштање на пласман во К3.
Шпанецот ќе стартува на 11то место на гридот на Хунгароринг, со заостанување од само 0,002 секунди зад времето на Фернандо Алонсо кој го доведе Астон Мартин до последната фаза.
Иронично, тимскиот колега на Саинз во Ферари, Шарл Леклер, го извозе својот најбрз круг со што го елиминираше Шпанецот во К2.
Изненадувачкиот резултат уследи по неможноста на Џорџ Расел да стигне до К2 за Мерцедес, што значи дека ниту еден од двајцата возачи кои го пополнија првиот ред пред една година нема да биде во првите 10 на гридот.
На Саинз во елиминацијата му се придружија возачите на Алпин, Естебан Окон и Пјер Гасли, кои ќе стартуваат како 12ти и 15ти, Даниел Рикиардо за Алфа Таури и Ленс Строл за Астон Мартин.