Откако германскиот таблоид Die Aktuelle објави интервју со Михаел Шумахер кое било генерирано со помош на вештачка интелигенција, а семејството на возачот најаи тужби, уредникот веднаш беше отпуштен од својата позиција.
Насловната страница на изданието имаше огромна слика од Михаел и пишуваше “Michael Schumacher, The First Interview, World Sensation”, а со далеку помали букви пишуваше дека звучи како да е реално, посочувајќи дека е креирано од таканаречен чатбот.
Таблоидот во својот петочен број објави извинување до Шумахерови и објави дека го отпушта својот главен уредник, Ане Хофман.
невкусниот и погрешен натпис не требаше да се појави никогаш затоа што на никој начин не одговара на стандардите на новинарство кои ги негуваме и кои нашите читатели ги очекуваат – напиша бианка полман, оперативен директор.
По објавувањето на лажното интервју, портпаролот на семејестовото на возачот експресно најави дека ќе го тужат таблоидот. Die Aktuelle имаат и историја со Шумахерови вклучително и натписи кои тврдеа дека Михаел е буден и комуницира, но и дека сопругата на Михаел, Корина, има нов љубовник.