Безбедноста е тема на дискусија во падокот бидејќи Ф1 пристигнува во Белгија четири недели по последната трагедија на патеката.
Луис Хамилтон инсистира на тоа дека и верува на ФИА да ги донесе правилните одлуки за безбедноста во Ф1 додека спортот се враќа во Спа-Франкошамп за Големата Награда на Белгија.
Патеката е една од најисториските на календарот, но во последниве години беше на удар на критики поради безбедносни грижи, особено на О’Руж и Радион.
Голем број повреди се здобија во комплексот во различни категории во текот на изминатите пет години, како и трагичната смрт на Антоан Хубер на трката во Ф2 во 2019 година.
Беа направени промени низ патеката за да се смири загриженоста, но смртта на 18 годишниот Дилано ван т’ Хоф на трката во FRECA претходно овој месец доведе до нови повици за промени.
Слични временски услови се предвидуваат за настанот овој Спринт викенд и прашан дали има загриженост за безбедноста на трката, Хамилтон изјави за медиумите:
Тоа не е нешто за што некогаш размислувам. Тоа не е нешто што некогаш можете да дозволите да го помислите во вашиот ум.
Но, јас верувам во она што го прави ФИА. Мислам дека немаше да бидеме тука ако тие не мислеа дека ќе бидеме безбедни.
Имам доверба во нив, бидејќи тие направија таква неверојатна работа во последните неколку децении, им верувам дека ќе ги донесат вистинските одлуки понатаму.
Хамилтон ја обезбеди својата 104 та Ф1 пол позиција на Унгарското ГП минатиот викенд, негова прва според најновите технички регулативи во спортот.
Седумкратниот светски шампион падна на четвртото место во трката.
Пол позицијата не остава оптимисти – рече Хамилтон.
Беше неверојатно да се има тоа искуство во саботата, тоа покажува дека има потенцијал во болидот и сите работат неверојатно напорно за да донесат перформанси.
Темпото на трката беше многу добро, разбравме што беше проблемот на почетокот, па добивме некои надградби овде овој викенд.