Кристијан Хорнер верува дека поголема поддршка треба да му се понуди во иднина на директорот на трките во Формула 1, Мајкл Маси, додека тимскиот шеф на Ред Бул, исто така се залага за поедноставни правила околу одлуките на контрола на трката.
Ред Бул и актуелниот светски шампион Макс Верстапен беа големите корисници на контроверзното справување на Маси во последната фаза од одлучувањето за титулата минатиот Декември во Абу Даби, на штета на Мерцедес и Луис Хамилтон. Но, исходот од настанот доведе до истрага од страна на ФИА за одлуките на Маси во Јас Марина, што може да резултира со отстранување на австралијанецот од својата улога како главен стјуард во тркачката серија кога резултатите од анализата ќе бидат објавени следниот месец.
Сепак, со малку квалификувани кандидати на располагање за да го заменат Маси, Хорнер верува дека зајакнувањето на структурата околу директорот на трката во Формула 1 е можеби подобар начин на дејствување напред, став кој исто така претходно го пренесе спортскиот директор на Ред Бул, Џонатан Витли.
Новиот претседател стави клучен фокус на ова и мислам дека има голема желба да се осигураме дека директорот на трката ќе има подобра поддршка.
Алатките што ги имаме на располагање ние тимовите се далеку понапред од оние на Мајкл и неговиот тим, така што мислам дека беше фокусиран многу на тоа во текот на зимата.
Мислам дека ќе ја видите таа улога подобро поддржана, што се надевам дека ќе овозможи одлуките да бидат полесни и побрзи, но мислам дека треба да ги разгледаме и регулативите за да поедноставиме некои од нив.
И покрај контроверзноста околу финалето на Формула 1 во 2021 година, што доведе до поларизирачка дебата меѓу фановите на спортот, при што таборите на Хамилтон и Верстапен се спротивставија на ставовите еден на друг, Хорнер инсистира дека расправиите и препукувањата не одзеле ништо од постигнувањето на Ред Бул или од крајот на сезоната.
Единствените што зборуваат за тоа сте вие момци, медиумите. Темелно уживавме во таа шампионска победа и очигледно фокусот сега е на 2022 година. 2021 е веќе историја, но ние сме возбудени за сезоната што следи.