Даниел Рикардо се појави за прв пат во падокот на трката за Големата награда на Австралија како дел од тимот Ред Бул, а Кристијан Хорнер изјави дека австралијанецот е задоволен од новата улога во тимот.
33-годишниот Рикардо е резервен возач во Ред Бул, но сеуште не се појавил зад воланот иако се шеташе низ падокот во текот на трката. Заедно со Верстапен и Перез беше учестиник во еден квиз.
Добро е што го донесовме назад во тимот. Ова е прва трка на која беше учесник и навистина уживаше. Беше дел од сите состаноци и работеше во симулаторот во Велика Британија како подршка за трката и разовјот.
Неговата позитивна енергија е насекаде и добро е што ја гледаме таа насмевка на неговото лице. Тој е доста популарен во Формула 1 иако не вози, можеби е најпопуларниот возач тука – посочи шефот на екипата.
Хорнер верува дека присуството на Рикардо е позитивно за тимот и верува дека искуството кое тој го носи ќе му помогне на него и на тимот.
За нас е позитивно што го имаме во тимот и тој соработува со екипата, возачите и инжинерите. Се надевам дека ќе ја најде љубовта во спортот.
Тој ќе тестира за нас подоцна и ќе видиме како ќе биде тоа за него, Но мислам дека ова е различно искуство. беше тешко за него што не е возач на трката овој викенд, но се префрли и прилагоди на новата улога.
Рикардо возеше за Ред Бул од 2014 до 2018 година и подоцна возеше две години за Рено пред да премине во Мекларен во 2021 година. Мекларен прерано го прекина неговиот договор и тој остана без тим и место на гридот.