Кристијан Хорнер остана полн со пофалби за својот возач Макс Верстапен откако овој стигна до рекордна 14та победа во една сезона.
Холанѓанецот држеше се под контрола на Ерманос Родригез и дојде до својот 14ти триумф во годината, рушејќи го рекордот на Михаел Шумахер и Себастијан Фетел.
Макс сруши уште еден рекорд и со сезоната која ја имаше досега, ова беше неверојатно возење. Поведе од пол позиција и во првиот свиок – искоментира Хорнер.
Тој навистина ја контролираше трката. Мислам дека донесовме правилни одлуки со стратегијата. Софт и медиум гумите дефинитивно беа подобрите компоненти.
На две трки до крајот на сезоната, Верстапен има можност да го подобри својот рекорд и потенцијално да стигне до 16 победи од 22 трки во една сезона. Запрашан за значењето на ова постигнување, Хорнер го искоментира нивото на перформанси од Верстапен во 2022 година.
Тој е нешто многу посебно и мислам дека сме сведоци на нешто навистина многу посебно. Тој вози на неверојатно високо ниво.
По трка како оваа, контролата која прикажа за да ја продолжи серијата со софт гумите, а потоа и да го постигне саканото темпо со медиум гумите е нешто посебно. Денес беа донесени сите правилни одлуки.