Дали екипата од Милтон Кинс ја научи лекцијата од минатата година?
Тимскиот шеф на Ред Бул, Кристијан Хорнер, е категоричен дека екипата со седиште во Милтон Кинс ќе биде во рамките на минатогодишното буџетско ограничување.
Процесот на ревизија за сезоната во 2022 е во тек, при што се појавија голем број извештаи според кои два или три тима не ги почитувале финансиските регулативи на Ф1.
Ред Бул беше казнет поради прекршување на буџетската граница во првата година од регулативите во 2021 година, со парична казна од 7 милиони долари и 10 проценти намалување на времето во воздушниот тунел за сегашниот мандат.
Оваа казна беше критикувана како попустлива од ривалите, при што возачот на Мерцедес, Луис Хамилтон неодамна беше загрижен дека недостатокот на казна ќе ги натера другите намерно да ја прекршат границата како начин за зголемување на перформансите.
Хорнер веднаш ги негираше тие ставови, но осврнувајќи се на трошењето на Ред Бул минатата сезона, тој изјави:
Минатата година, Макс оштети едно предно крило, а Чеко имаше несреќа во Монтреал, и повторно имавме многу ограничена количина на развој на болидот.
Значи, минатата година бевме неколку милиони под границата бидејќи штетите и развојот по несреќите, тоа се огромни трошоци.
Очигледно оваа година, најголемиот хендикеп што го имаме е недостатокот на време во воздушниот тунел, тоа е значително помалку за период од една недела во однос на нашите конкуренти, така што мораме да бидеме многу дисциплинирани за тоа каде го фокусираме нашиот развој.