Поранешниот возач на Формула 1, Карун Чандхок, верува дека Луис Хамилтон немал доволно мотивација на почетокот на сезоната во 2022 година.
Хамилтон претрпе контроверзен пораз во светското првенство во 2021 година од Макс Верстапен од Ред Бул додека се обидуваше да ја обезбеди рекордната осма титула.
Мерцедес потоа влезе во 2022 година со болид кој немаше конкурентност и не беше во можност да ги предизвика Ред Бул и Ферари во поголемиот дел од сезоната. Тие поминаа низ тежок сегмент на почетокот на сезоната пред да почнат да ги решаваат своите проблеми преку различни надградби.
Сепак, тоа сè уште често беше трет најбрз болид на гридот, за кој Чандхок наведува дека се покажало како проблем со мотивацијата на Хамилтон.
Луис, на почетокот на годината, сигурен сум дека неговата мотивација ја немаше. И можам да го разберам тоа – вели Чандхок.
Тоа ме потсети на Сена во 1993 година со Мекларен, ова беше момче кое беше возач број еден во неговата генерација, тој пристигнува на воведната трка и се квалификуваше само во третиот ред на гридот.
Каде е мотивацијата? Потоа стигнавме до Барселона, тие малку се подобрија и тој одговори на предизвикот.
Хамилтон моментално има договор до крајот на следната сезоната и јавно изјави дека сака да продолжи со Мерцедес и по сегашниот договор. 37-годишниот возач ја заврши својата прва година заедно со Џорџ Расел, при што вториот се здоби со промоција во тимот по неколку години поминати во јуниорска улога.
Чандхок го поздрави Расел за неговиот настап против Хамилтон и посочи дека мотивацијата на Хамилтон најверојатно била подигната од конкурентноста на Расел.
На почетокот на годината, изгледаше навистина добро за Расел, тој редовно го надквалификуваше Луис – рече тој.
Мислам дека тој имаше малку “повик за будење“ во тој среден дел од годината кога Луис ја подигна својата фора и мислам дека Џорџ не можеше повеќе да напредува, како да го разбудил ѕверот.
Но, за негова заслуга, кон крајот на годината и тој викенд и победата во Бразил беа најважни, тој се врати. Фасциниран сум да видам како тие двајца ќе функционираат заедно следната година.