Хонда се задоволни од прикажаните пеформанси на нивниот партнер Ред Бул оваа сезона, но остануваат приземни кога ја гледаат разликата во поени помеѓу Ред Бул и Ферари.
Шефот на Хонда, Јасуаки Асаки, признава дека предноста во поени на Ред Бул пред Ферари е изненадувачка. Тимот води 97 поени пред Скудерија додека Макс Верстапен има предност од 80 поени пред Шарл Леклер. Сезонава Мерцедес се мачат со новите правила и не може да им парираат на Ред Бул и Ферари, но Асаки не ги очекувал проблемите на Мерцедес.
Изненадувачки е што Мерцедес не го покажуваат потенцијалот што го имаат. Очекувавме силен Ферари, но не сметавме дека ќе има борба меѓу Ред Бул и Ферари.
Ферари и Ред Бул се единствените екипи со победи од почетокот на сезонава, но Скудерија има проблеми со издрживоста, грешки на возачите и проблеми со стратегијата.
Ред Бул прават помалку грешки од Ферари во моментов. Разликата во поени е поголема од нивната сила. Ние сме во позиција да се бориме за двете титули и го правиме тоа. Имавме проблеми, но ги решивме. Мислам дека затоа сме тука.