Лоренс Строл има големи планови за Астон Мартин, не само што вработува талентирани луѓе од Ред Бул и Мерцедес и гради целосно нова фабрика за својата екипа, туку има планови да прави свој мотор во иднина.
Откако го купи Форс Индија, го промени името најпрво во Рејсинг Поинт, а потоа и во Астон Мартин, но правилата се променија и работите не му одат според планирано. Покрај вработувањето на Ерик Бландин од Мерцедес и Ден Фалоус од Ред Бул, тој веќе има голема цел. Бројот на вработени порасна од 420 на 593.
За наредните години тој планира да ја заврши новата фабрика и да вработи 700 луѓе и ќе има нов воздушен тунел. Таков систем во моментов имаат Ферари, Мерцедес и Ред Бул. Целата инвестиција чини 200 милиони евра.
Милијардерот присуствува на состаноците за новите мотори и планира некаква работа на истите.