Фернандо Алонсо побара од Астон Мартин да ги откријат причините зошто тие се бореле за темпо во однос на нивните директни ривали досега оваа сезона за време на викендот за Големата Награда на Италија.
Со оглед на тоа што Ред Бул, Ферари, Мерцедес, Вилијамс и Мекларен покажаа супериорно темпо во Монца, Алонсо направи доволно за да стигне до престрелката за пол позицијата во квалификациите и да обезбеди 10то место на гридот, кое го претвори во деветтото место на денот на трката.
Откако излезе од болидот, Алонсо изјави:
Мислам дека ова е она што го заслуживме денес. Бевме добри само за деветтото место и треба да бидеме подобри следниот пат. Немавме темпо, од првиот круг се чувствував малку бавен.
Треба да ги разгледаме причините зошто оваа патека е малку потешка за нас и да се фокусираме во Сингапур за да имаме подобар викенд.
Запрашан што тој и тимот сè уште можат да научат од Монца, тој додаде:
Учиме многу. Очигледно секој круг што го правиме гледаме работи на болидот кои можеби не се во оптималниот прозорец во кој сакаме да бидеме и се обидуваме да научиме од ова.
Во меѓувреме, тимскиот колега Ленс Строл се врати на 16то место како последен возач во водечкиот круг, откако стартуваше на задниот дел од гридот среде особено нарушен викенд.