Поранешниот Формула 1 возач и шампион во Формула Е од оваа година, Стофел Вандорн, следната година ќе му се придружи на Астон Мартин во тест и резервна улога.
Белгиецот, кој возеше за Мекларен помеѓу 2016 и 2018 година и неодамна беше резерва за Мерцедес, ќе преземе зголемена програма во Формула 1 заедно со неговите обврски во Формула Е за тимот ДС Пенске. Тој ќе ги дели одговорностите во Астон Мартин со Формула 2 шампионот Фелипе Другович, кој неодамна беше потпишан како тест и резервен возач, во текот на интензивниот распоред на 24 трки.
Преселбата на Вандорн во Астон Мартин ќе го обнови и работниот однос со Фернандо Алонсо, кој беше негов тимски колеги во Мекларен од 2016 до 2018 година. Зборувајќи за новата улога, Вандорн рече:
Неверојатно е возбудливо да се влезе во улога на резервен возач во Формула 1 и јас сум среќен што го правам тоа со Астон Мартин. Со голем интерес гледав како тимот се развива и проширува оперативно и знам колку е неверојатно решен да напредува во секоја област.
Да му се придружам на Фернандо, кој веќе го познавам од мојата тркачка кариера во Формула 1 и на Ленс, за да им помогнам да го развијат и подобрат болидот следната година ќе биде одлична работа и навистина се радувам на предизвикот и наградата да работам заедно со целата организација во Силверстон.
Покрај спроведувањето на можностите за тестирање за Астон Мартин, Вандорн ќе учествува и во интензивна програма во симулатор и развој во базата на тимот во Силверстон. Тимскиот шеф на Астон Мартин, Мајк Крак, објасни дека Вандорн бил донесен за да помогне во нивното придвижување кон предниот дел на гридот.
Стофел ги има сите способности што ни се потребни за оваа нова и проширена улога во тимот. Тој е брз, аналитички, вреден и фантастичен тимски играч и совршено ќе се вклопи во нашата растечка организација, работејќи заедно со нашиот друг тест возач, Фелипе Другович – рече Крак.
Целиот тим е многу мотивиран за следната година, а назначувањето на Стофел, заедно со Фернандо, Ленс и Фелипе, дава дополнителна длабочина на нашата фантастична возачка постава.
Ова ќе биде значајна улога за Стофел, а ние ќе се потпираме на тоа тој да работи напорно и со нашите симулациски и инженерски тимови за да ги подобриме нашите перформанси за 2023 година и понатаму.
Одлуката на Вандорн да отстапи од своите должности во Мерцедес, како резултат на преселбата на колегата Ник де Врис во Алфа Таури, значи дека на германскиот производител на автомобили му треба нова позиција за следната сезона. Возачот на Мекларен во заминување, Даниел Рикардо, беше силно поврзан со оваа улога, но и тимот и возачот инсистираат дека сè уште ништо не е решено.