Мекларен покажаa дека може да се борат за подиуми во Силверстон, откако неодамна воведоа важни ажурирања на нивниот болид.
Тимскиот шеф на Ферари, Фредерик Васур, верува дека Мекларен сега им се придружил на најдобрите Формула 1 тимови во нивната потрага да ја уништат серијата победи на Ред Бул.
Од почетокот на 2023 година и Макс Верстапен и Серхио Перез се единствените возачи кои победиле, а Холанѓанецот сега има серија од шест победи по ред откако победи на Британското ГП.
Зад тимот на Кристијан Хорнер е тесна битка меѓу тимовите додека редовните Ферари и Мерцедес се обидуваат да ја намалат разликата, но во исто време Астон Мартин и Мекларен успеаја да се приклучат.
Кога ќе завршите на второ место во Австрија, може да имате очекувања да победите на трка – изјави Васур за медиумите.
Мислам дека во нашата група сите се бориме за победа. Кога велам наша група, тоа се Мекларен, Астон Мартин, Мерцедес и ние.
Сите ние имаме цел да победиме на трка, но најпрво целта е да бидеме први во групата.
Ферари воведува ажурирања за да помогне да се врати самодовербата кај своите возачи, додека Мерцедес и Мекларен исто така значително ги променија своите болиди во последните неколку трки.
Васур истакна како одредени фактори во текот на тркачкиот викенд можат да влијаат на променливата разлика меѓу тимовите.
Толку е тесно помеѓу второ и деветто место каде што некои сесии имаме една или две десетинки помеѓу првите четири или шест болиди – рече тој.
Тоа значи дека ако распоредот на патеката одговара на вашиот болид или ако имате добра поставеност за викендот, имате чист викенд без технички проблеми, ако стекнете една десетина, тоа е огромен чекор во однос на позиција за целиот викенд.