Макс Верстапен беше принуден да ја прилагоди својата цел за освојување поени на Големата награда на Унгарија уште на почетокот на трката, откако лошо го оштети неговиот болид по контакт на стартот при карамболот предизвикан од Валтери Ботас.
Холанѓанецот се судри со Ландо Норис на почетокот на трката, кој пак беше удрен од Валтери Ботас од позадина. Возачот на Ред Бул Рејсинг не е задоволен од Ботас.
Повторно елиминиран од Мерцедес … Ова не е она што го сакате. Ја оштетив целата страна на мојот болид, подот исто така беше оштетен. Беше речиси невозможно да се вози, да бидам искрен. Дадов се од себе и дојдов до еден поен, барем тоа е нешто, но не она што го сакаме – појасни верстапен.
Црвеното знаме му даде време на Ред Бул да направи поправки на РБ16Б на Верстапен, но на подот не можеше да се работи.
Овој момент е само разочарувачки. По летната пауза, ќе се вратам и ќе дадам се од себе. Се надевам дека мојот болид ќе биде конкурентен, ќе видиме. Тоа се многу чудни моменти што не чинеа многу поени.