Шефот на Формула 1, Стефано Доменикали, ги предупреди класичните патеки на календарот дека не може да се потпрат само на историјата, статусот и славата доколку сакаат да го задржат местото во тркачката серија.
Во последните години гледаме патеки како Хокенхајм, Нирбуринг, Пол Рикар и Истанбул Парк како отпаѓаат од тркачкиот календар. Тука се и Сузука, Имола и Зандоврт каде Формула 1 се врати, но се загрозени историски автодроми како Монако, Спа Франкошамп, Монца и Силверстон. Доменикали очекува патеките да продолжат да инвестираат во објектите доколку сакаат да останат на каледнарот.
Сега има трки на сите континенти. Не е тајна дека сакаме да одиме и во Африка бидејќи тој континент ни недостасува.
Арогантно е да се каже дека ти е гарантирана иднината доколку си на календарот 100 години. Јасно е дека историските патеки се променија и се е различно. Мора да сме транспарентни со нив и да видиме во кои работи веруваме – реален е италијанецот.
Во моментов се развива пазарот на Блискиот Исток и Азија, а воедно и САД каде ќе има три трки оваа сезона.
Секоја трка, не само во Америка, си има свој квалитет и свои фанови. Не треба да се канибализираат, Сите се различни и патеките се различни. Не гледам проблем тука.