Себастијан Фетел е поинаков од секој друг Формула 1 возач, па можеби и чудниот начин на кој го објави своето пензионирање е соодветен.
Прво, тој дебитираше на социјалните мрежи со креирањето на Инстаграм профил. Потоа ја искористи таа платформа за да открие во видео кое самиот го снимил дека ова ќе му биде 15-та и последна сезона во Формула 1.
Со тоа завршува кариера која статистички е една од најдобрите што спортот некогаш ја видел. Тој освои четири шампионски титули, само Михаел Шумахер, Луис Хамилтон и Хуан Мануел Фанџо се подобри од него, во текот на кои забележа 53 победи со кои е на третото место на вечната листа.
Зошто реши сега да се пензионира?
Астон Мартин сакаше Фетел, чиј двегодишен договор истекува на крајот на оваа година, да остане и за трета сезона. Германецот имаше позитивно влијание врз тимот на милијардерот Лоренс Строл за разумно краток временски период. Тој го искористи своето богато искуство од Ред Бул и Ферари, направи промени за да му помогне на тимот да работи поефикасно и даде суштински повратни информации за да помогне во инженерството и развојот на болидот.
Тој исто така беше одличен лидер, му помогна на синот на Строл, Ленс, а неговиот статус како четирикратен светски шампион го подигна и статусот на тимот.
Фетел сериозно размислувал да остане. Но перформансите на Астон Мартин не беа доволно добри. И покрај огромните инвестиции, болидот од 2022 година не го направи чекорот напред во перформансите на кои тимот и Фетел се надеваа. На хартија, тие се околу осмата или деветтата најбрза екипа. Уште полошо, значителните надградби што ги донесоа на патеката не го испорачаа очекуваното темпо.
Со многу малку промени во регулативите од оваа до следната година и ограничување на трошоците што го спречува немилосрдното трошење во обид да се излезе од дупката, Фетел знае дека следната година нема да биде многу подобра. Реалноста е дека може да поминат три, четири, можеби пет години додека овој тим не се бори на челните позиции. На 35 години, кога Фетел не сака да пропушти повеќе од семејниот живот и неговата перспектива се насочи кон глобални прашања надвор од Формула 1, тој одлучи дека е време да замине од спортот.
Во четвртокот изјави за Формула 1 дека само ден претходно одлучил за својот потег, кажувајќи му на тимот истата вечер пред официјалната објава. Но, тој размислувал за овој ден од 2018 година додека имаше потешкотии во Ферари. Тој избра да се обиде уште еднаш со Астон Мартин, проект што му понуди потенцијал да ја заврши кариерата на високо ниво, но тоа не заврши на таков начин.
Што е следно за Фетел?
Фетел сè уште не одлучил што е следно и на некој начин, тој признава дека тоа го плаши. Тоа е непознатото, спротивно од тоа каков е неговиот живот во последните 15 години. Тој е навикнат неговиот живот да го закажува некој друг. Тој знае кога ќе биде отсутен, кога ќе биде дома, што ќе прави секој Четврток, Петок, Сабота и Недела на тркачките викенди, речиси до секоја минута.
Но, Фетел докажа дека е повеќе од способен ова следно поглавје од неговиот живот да го нпретвори во огромен успех. Ќе поминува повеќе време со семејството, ќе биде сопруг и татко и ќе ужива во животот. Тој сака да разговара за статиите што ги чита во весниците или да зборува за неговото најново откритие во ресторан или за локалните производители на неговиот зеленчук или британска комедија. Тој едноставно е заинтересиран за животот.
Тој веќе покрена низа иницијативи, од изградба на објекти за пчели во Австрија до собирање отпадоци во Силверстон. Кога Фетел ќе смисли нешто, тој го следи тоа и го претвора во успех. Тој, исто така, не се плаши да го искаже своето мислење и да се залага за она во што верува. Тој го прави успешен филантроп.
Кој ќе го замени?
На некој начин, Астон Мартин е многу атрактивен опција. Имаат сопственик кој немилосрдно вложува пари во сите области на тимот. Имаат нова фабрика која ќе биде оперативна следната година, нов воздушен тунел и ресурси за да ја имаат најдобрата механизација.
Но, тие се исто така деветтиот најдобар тим во Ф1 во моментов и далеку од остварување на амбициите на Строл да бидат кандидат за светското првенство. Тоа значи дека возачот кој ќе го добие седиштето ќе мора да прифати дека ова е среднорочен проект и дека за да се стигне до успехот ќе бидат потребни неколку години.
Реалноста е дека сопственикот Лоренс Строл најверојатно ќе сака големо име. Затоа потпишаа со Фетел, четирикратен светски шампион. Тие го сакаат престижот што го носат, но исто така и искуството што ќе испорача инженерска експертиза за поддршка на Ленс Строл, кој сè уште е разумно рано во својата Ф1 кариера.
Со оглед на нивната форма, малку е веројатно дека ќе можат да донесат еден од водечките конкуренти. Но Фернандо Алонсо би бил одлична опција. Двократниот шампион моментално е во Алпин и изјави дека останување за трета сезона ќе му биде приоритет. Но, тој би можел да биде убеден дека вреди да се справи со проектот на Астон. Тие знаат дека ќе даде сè, како што прави во Алпин и има потенцијал да постигне огромни резултати.
Покрај него, тешко е да се види очигледна опција. Малку е веројатно дека ќе го постават Даниел Рикардо високо на нивната листа, со тоа што австралиецот е целосно посветен да остане со Мекларен за трета година, додека резервистот на Алпин, Оскар Пјастри, веројатно ќе се смета за премногу неискусен.
Нивниот резервен Нико Хулкенберг е опција и тој заврши солидна работа кога беше замена, но тој не е големото име за кое копнее Строл. Фетел навести дека Шумахер би бил неговиот претпочитан избор, ефикасно отворајќи го патот на неговиот ученик да добие шанса со голем тим на начинот на кој Михаел Шумахер направи за Фелипе Маса во Ферари.
Тоа е одлука на Строл се разбира. И тоа е тежок повик, но милијардерот има време да размисли. Засега, фокусот е на Фетел, еден од великаните на Формула 1, на патеката и надвор од истата.