Откако стартуваше од четвртто место на гридот, Кевин Магнусен се бореше со неколку водечки болиди на пат кон враќање во поени за Големата Награда на Мајами.
Магнусен смета дека Хаас направиле добар чекор напред за време на викендот за Големата Награда на Мајами, откако данецот обезбеди финиш во поени. Со раниот крај на саботната квалификациска сесија по сударот на Шарл Леклер, Магнусен обезбеди 4то место на гридот за трката и продолжи да се бори со неколку водечки болиди за време на трката, вклучително и со Леклер во воведните фази.
Данецот ја заврши трката на десетта позиција, освојувајќи поен за Хаас во она што се покажа како тесна борба во средината на гридот. Иако К-Маг се надеваше дека ќе освои повеќе од еден бод во Мајами, тој останува задоволен од резултатот.
Мислам дека ова беше силен викенд, многу солиден. Очигледно сонував за нешто повеќе од еден бод, но мислам дека сите големи тимови ја завршија трката и немаа никакви проблеми, така што беше прилично тешка трка да се освојат поени.
Немаше подароци и јас сепак освоив еден поен, така што јас сум прилично среќен со тоа. Имаше веројатно малку повеќе деградација отколку што би сакал да имам, но мислам дека направивме добар чекор напред овој викенд – задоволен е возачот на американската екипа.
Магнусен беше разочаран што ги загуби местата на почетокот на трката и признава дека неговата последователна борба со Леклер не му помогнала на пневматиците.
Имав добар почеток, а потоа имав долга борба со Леклер, што беше тешко за моите гуми и јас веројатно требаше да се грижам за моите гуми малку повеќе.
Но, како и да е, мислам дека имавме силен ден и освоивме еден бод.
Стартувајќи од 4то место на гридот му овозможи на Магнусен да се бори со болидите со кои не е често блиску на патеката. Ова беше нешто во што уживаше, иако признава дека на прво место повеќе би сакал да има позиција на патеката.
Забавно е да се тркаш, се разбира. сепак, повеќе би сакал да не се борам и да бидам само напред.