Хамилтон, наводно, повторно се приклучил на патеката на небезбеден начин.
Луис Хамилтон и Џорџ Расел се повикани кај стјуардите на ФИА поради инцидент во квалификациите за Големата Награда на Белгија.
Дуото се следеше еден по друг додека патеката Спа-Франкошамп се сушеше на почетокот на К2, при што Хамилтон отиде надвор од патеката во О’Руж и Радион, враќајќи се на патеката пред Расел.
Тој инцидент е под истрага поради тоа што седумкратниот шампион наводно повторно се приклучил на патеката на небезбеден начин.
Доколку биде прогласен за виновен, четвртото место на Хамилтон во квалификациите најверојатно ќе биде одземено со грид казна.
Позицијата моментално е трета поради промената на менувачот на Макс Верстапен, при што Холанѓанецот падна од пол позиција на шестото место.
Алекс Албон ќе се соочи со истрага за истиот прекршок во К1, но во друг свиок.
Возењето надвор од патеката го чинеше возачот на Вилијамс каква било шанса да стигне до вториот дел од квалификациите, а на крајот заврши само 16ти.
Кевин Магнусен речиси сигурно ќе добие казна поради блокирањето на Шарл Леклер, откако возачот на Хаас го забави напредокот на возачот од Монако во К2.