Инцидентот се случи на подиумот по трката за Големата Награда на Унгарија.
Ландо Норис му се извини на Макс Верстапен што го скрши трофејот на победникот на Гранд При на Унгарија.
Возачот на Мекларен го собори порцеланскиот трофеј од најгорното скалило на подиумот на Хунгароринг кога го започна вообичаеното чукање на неговото шише шампањ.
Норис и возачот на Ред Бул, Верстапен, кој ја зголеми разликата во однос на тимскиот колега Серхио Перез во поредокот за возачи на 110 поени со победата минатиот викенд, се пошегуваа за инцидентот после тоа.
Но, коментарите на советникот за моторспорт на Ред Бул, Хелмут Марко, укажаа на недостаток на почит од дуото пред Верстапен да го прими заменскиот трофеј.
Сакам да се извинам за тоа – изјави Норис за медиумите.
Очигледно немав намера да направам такво нешто и знам колку им значи на Унгарците и тоа е дел од нивната култура.
Никогаш не ми беше намера да направам такво нешто и му се извинив на Макс, знам дека направив неколку шеги за тоа што можеби не требаше.
Знам дека да беше мој трофеј, ќе бев изнервиран, па затоа се извинувам за тоа.
Очигледно за сите луѓе кои вложија време и напор за да го направат тоа, навистина не мислев тоа да се случи, па затоа ќе се погрижам да бидам многу повнимателен следниот пат кога ќе славам.
За тоа дали е потребна промена на тактиката за славење, Норис одговори:
Нема причина зошто би требало, само ќе внимавам малку повеќе.
Само ќе ги тргнам трофеите настрана, а потоа ќе продолжам.