По уште едно неверојатно слабо Гранд При, Серхио Перез си поставува сериозни прашања за неговата неможност да одговори на перформансите на тимскиот колега Макс Верстапен.
Серхио Перез вели дека е многу загрижен поради недостатокот на конкурентност за време на викендот за Големата Награда на Канада, додавајќи дека не можел да го објасни неговото бавно темпо.
Мексиканецот ја започна трката како 12ти на гридот, откако беше зафатен од дождот за време на квалификациите, но со оглед на доминацијата на Ред Бул оваа година, Перез можеби се надеваше дека брзо ќе го претекне остатокот од гридот, дури и со хард гуми на неговиот РБ19.
Сепак, не успеа во тоа, мексиканецот не можеше да ги стигне Шарл Леклер и Карлос Саинз и ја заврши трката на ниско шестото место, перформанси што не се споредуваат со доминацијата на тимскиот колега Макс Верстапен.
Перез не беше во можност да ја објасни својата неспособност да ги стигне Ферари, тим кој има само еден пласман на подиумот на првите осум трки од 2023 година.
Мислам дека безбедносното возило во основа ја одзеде секоја можност, бидејќи изгледаше добро. Се тркавме на хард гума и за жал не се исплатеше – изјави Перез.
Многу, многу сум загрижен за неможноста да ги фатам Ферари. Едноставно немавме темпо и не разбравме зошто, тоа е чудната работа, па мора да сфатиме во што е проблемот.
Мораме да седнеме и да погледнеме назад, бидејќи знаеме на што сме способни и важно е само да разбереме што се случува.
Имавме добар почеток на викендот, но направивме некои промени, работевме со гумите малку поинаку, па не знам дали има нешто во тоа.
По две победи во првите четири трки во сезоната, сезоната на Перез е во опасност, со тоа што мексиканецот не постигна пласман на подиумот на последните три трки, додека на сите нив убедливо победи Верстапен.