Магијата што му помогнала на Мерцедес да постигне двоен подиум на трката за Големата Награда на Шпанија во 2023 година во Формула 1, не дошла од болидот поради нови странични подлоги, тврди Џорџ Расел.
По враќање на земјениот ефект на почетокот на 2022 година, Ред Бул, Ферари и Мерцедес развија радикално различни дизајни на страничните подлоги.
Појавувањето на Ред Бул како доминантна сила, остави многумина да претпостават дека страничните подлоги се одлучувачки фактор во перформансите на болидот. Како такви, беа поставени прашања до Мерцедес поради тоа што не се приближија на дизајнот на Ред Бул порано за да ја подобрат својата форма.
Но, со оглед на тоа што инженерите проценуваат дека горните површини сега сочинуваат само 40% од аеродинамичните способности на болидот, а остатокот доаѓа од аеро на подот, Расел ја брани стратегијата за ажурирање на Мерцедес, велејќи дека пресвртот минатата недела во Барселона не се должи само на страничните подлоги.
На прашањето зошто тимот не ја промени својата аеродинамичка филозофија порано, британецот изјави:
Не се страничните подлоги она што ја прави разликата. Можеби е фактор, но магијата не е во страничните подлоги.
Го донесовме тој дизајн на болидот за да ги пробаме страничните подлоги. Магијата се случи под болидот, на подот. Тоа е исто за секој тим.
По откажувањето на трката за ГН на Емилија Ромања минатиот месец поради поплави, Мерцедес го донесе својот прв голем пакет за надградба во сезоната во Монако. Таму, W14 ја доби својата нова каросерија, ревидирана конфигурација на подот и предната суспензија.
Дополнителни модификации, исто така, дебитираа во Шпанија, со најзначајно променет дифузер.
Расел се пошегува дека победникот во Шпанија, Макс Верстапен, сепак ќе биде способен да победи на трка со 24 секунди предност дури и ако РБ19 се појави без никакви странични подлоги.
Сигурен сум дека Ред Бул не мора да стави никаква странична подлога на својот болид и сепак да бидат најбрзи.
Тоа е малку покомплексно од тоа, но сепак, навистина сум среќен со работата што ја направи тимот и поради потврдата дека чекорите што ги направивме се чекори во вистинската насока.
Иако Расел призна дека Верстапен е сè уште многу напред, тој додаде дека неодамнешниот напредок на Мерцедес значи дека нивните погледи се насочени кон победа.
Дефинитивно имав доверба дека можеме да одиме напред во Барселона. Темпото на трката беше навистина силно овој викенд со овие ажурирања.
Бев многу разочаран од квалификацискиот резултат, но мислам дека тоа е доказ дека само треба да продолжите да верувате. Тоа беше нов ден, нови можности.
Ги штиклиравме сите полиња. Болидот беше брз, имавме добри претекнувања и беше навистина пријатна трка.