Откако ги загубија последните две трки, Ред Бул се надеваат дека ќе донесат подобрувања на болидот за Гранд При на Франција.
Ред Бул имаа своевидна доминација во сезоната досега, а нивните последователни порази во Австрија и Британија го претставуваат нивниот најдолг период без победа на трка. Тие сèуште водат во двата шампионати, но бидејќи Ферари почна да покажува слично ниво на темпо како на почетокот на сезоната, има многу работа за тимот ако сакаат да останат на врвот.
Во тој поглед, тие целат да донесат подобрувања на РБ18 за да го направат поконкурентен отколку што беше во последните недели. Германски Auto Motor und Sport известува дека се работи на пакет за надградба и дека тимот се надева дека ќе ги има подготвено за Пол Рикар.
Шефот на Хонда Ф1, Масаши Јамамото, кој исто така работи како консултант за Ред Бул, рече дека иако Ферари изгледаат силно, тој верува дека погонската единица на Ред Бул е посигурна.
Мислам дека Леклер беше само малку побрз. Сепак, Макс направи одлична работа задржувајќи се на второто место и постави најбрз круг на трката.
Ферари беше навистина многу силен, но ако го погледнете разнесениот мотор на Карлос Саинз, мислам дека HRC (Honda Racing Corporation) и Red Bull Powertrains се уште се подобри ако ги погледнеме вкупните перформанси и доверливост.
Шефот на Хонда, исто така, верува дека француската патека ќе го фаворизира Ред Бул, но предупреди дека тоа можеби нема да биде случај во Унгарија.
Мислам дека Франција е повеќе во корист на Ред Бул. Во Унгарија, од друга страна, имам чувство дека Ферари ќе победи затоа што имаат поголема тракција при мали и средни брзини.
Но, мислам дека Ред Бул ќе направи нешто за да се спротивстави на тоа. Сакам добро да ги завршиме двете трки пред летната пауза.
Јамамото беше критичен кон Серхио Перез откако мексиканецот беше целосно елиминиран од трката во Австрија по судирот во првиот круг со Џорџ Расел.
Свиокот број 4 веќе беше непријатен за нас во последниве години. Сигурен сум дека ќе изгубите ако ја изберете надворешноста таму.
Перез можеше да почека уште еден круг и ќе имаше добри шанси во третиот свиок. Да бидам искрен, тој самиот ја уништи својата трка.