Даниел Рикардо вели дека е тешко да се знае колку добро се снаоѓа неговиот наследник во Мекларен и сонародник Оскар Пиастри на неговото тркачко место.
33 годишниот австралиец го загуби своето место за 2023 година и покрај тоа што имаше една година до крајот на неговиот договор, како резултат на тешкиот период во Мекларен.
Новата ѕвезда на тимот е 22 годишниот Пиастри кој е менаџиран од Марк Вебер.
Секогаш е тешко кога се гледа тим кој не се пласира онаму каде што сака да биде.
Ландо е референца, но тешко е да се знае дали дванаесеттото место е добро или не. Саудиска беше добар знак за Оскар, но оттогаш Ландо имаше малку предност.
Но, сè уште е рано во кариерата на Оскар, па веројатно не можете да очекувате премногу од него сè уште. Тој имаше добар прв круг во Мајами. Така, мислам дека тој прилично добро се носи – додаде Рикардо.
Рикардо остана во Формула 1 со резервна и амбасадорска улога во Ред Бул, па дури и прави некои коментари на страна.
Мислам дека тоа е убавината на местото каде што сум сега во мојата кариера, каде што го правев тоа 10 години. Јас сум малку позрел и да, сите ние имаме малку гордост и малку его.
Но, јас признавам дека тоа нема да ми помогне. Така, успеав да го надминам тоа и да имам одредена одговорност пред себе.
Можеби тоа не беше најдобро за мене, но веројатно не бев и најдобрата верзија од себе. Затоа, јас сум среќен што тоа поглавје е завршено, а сега само гледам напред.