Нико Розберг беше критичен за компетентноста на Ферари бидејќи тие повторно направија грешки што го чинеа нивниот возач, Карлос Саинз, драгоцено време во боксот за време на Гранд При на Холандија.
Саинз остана заглавен без левото задно тркало кога влезе во боксот во 15от круг. Инцидентот го чинеше 12,7 секунди и откако возеше на трето место, тој падна во редоследот и надвор од конкуренција за победа. За да бидат работите уште полоши, тимот на Ферари остави и пиштол за гуми на работ од боксот, кој Серхио Перез го прегази додека излегуваше од боксот. Тој инцидент го разгледаа стјуардите по трката, но се одлучија да нема казна за тимот.
Подоцна во трката, Саинз доби казна од пет секунди поради небезбедно враќање на патеката поради што на крајот беше пласиран на 8та позиција. Самоуништувачките серии на Ферари станаа доминантна тема на нивната сезона, со лошата стратегија и подеднакво лоши влегувања во бокс кои ги чинат и Саинз и Шарл Леклер голем број на поени во сезоната.
О господе. Матиа Биното постојано вели дека не треба да го прават тоа и мора да престанат со вакви работи. Кога ќе го видиме тоа?
Тоа не е возможно, дури и тимовите од Формула 2 или Ф3 подобро работат во нивната стратегија и влегувањата во бокс од Ферари.
Влегуваш во бокс и фали една гума при нормални услови? Во одреден момент тие навистина треба да почнат да прават некои промени.
Додека темпото на Ферари ги постави на врвот во одреден период од сезоната, таа предност исчезна со тоа што сега и Ред Бул и Мерцедес изгледаат побрзо. Розберг предложи тимот да донесе некој кој ќе работи заедно со Биното во раководството на Ферари.
Нивниот болид е само малку подалеку од темпото сега и на трките, особено го видовме тоа во Спа, го видовме повторно овде во Зандворт. Значи, тие почнуваат да губат, Тие треба да се погрижат да продолжат да го развиваат тој болид во вистинската насока.
Една од работите што луѓето често ја кажуваат е дека Биното е техничар, па понекогаш може да предложите да ви треба заеднички лидерски тим каде еден ќе биде техничар, а еден ќе биде бизнис менаџер и менаџер на луѓе. Тоа е она што некои луѓе го сугерираат.
Не го познавам доволно добро Биното, Но во секој случај, тој треба да направи некои кадровски промени таму, затоа што едноставно се тргнува премногу наопаку. Кога коментираме, само чекаме тоа да се случи, бидејќи знаеме дека следната грешка доаѓа од Ферари многу наскоро.
Тоа не е добро. Затоа, тие треба да направат некои фундаментални промени, мислам, во нивниот персонал или како луѓето работат заедно таму.