Карлос Саинз изјави дека никогаш повторно не сака да го искуси хаосот како тој по рестартот на Муџело за Тосканското Гранд При.
Саинз беше еден од четири возачи кои беа елиминирани по инцидентот. Истиот беше предизвикан од тие позади кои забрзаа пред тие од напред, што доведе до верижниот судар.
Третиот настан од три последователни трки ни прикажа некои позитивни и негативни моменти. Одличниот резултат од Монца беше голема мотивација за тимот, но тоа што се случи на Муџело е нешто што се надевам дека никогаш нема да се повтори.
Како што кажав претходно, најважно е што никој не беше повреден, но сигурен сум дека ќе го дискутираме тоа во Русија со цел да разбереме што се случи и да се согласиме како може тоа да се избегне во иднина.