Ландо Норис ја заврши сезоната во Ф1 во 2022 година на седмото место, што го прави најдобар од останатите возачи во светскиот шампионат.
Шефот на Мекларен, Андреас Сеидл го сподели своето мислење за напредокот на британецот во неговата четврта година во Формула 1.
Сезоната се покажа како малку разочарувачка за тимот, со тоа што тимот од Вокинг го загуби четвртото место во шампионатот на конструктори по битката со Алпин.
Норис сепак, заврши како најдобар од останатите во шампионатот за возачи, откако заврши на седмото место зад возачите од првите три тима.
Сеидл верува дека Норис, кој има долгорочен договор со Мекларен до крајот на 2025 година, покажа континуирани знаци на напредок во текот на годината, што ја одбележа неговата четврта сезона во Формула 1.
Имаше различни работи кои многу ме импресионираа, очигледно, во однос на чистите перформанси во болидот, дури и ако тоа не е толку видливо во однос на резултатите, бидејќи едноставно не бевме толку конкурентни во споредба со минатата година – рече Сеидл.
Тој јасно направи уште еден чекор. Ако видам како пристигнува на викендите, како работи на сесиите, на квалификациите, на трките, едноставно е импресивно, знаејќи дека тој е само во својата четврта година во Формула 1.
Очигледно, во исто време ова ни дава доста оптимистички поглед, бидејќи знаеме дека има уште многу да дојде и знаеме дека сè уште ќе го имаме во тимот уште многу, многу години, што е одлично.
Почетокот на сезоната во 2022 година беше особено тежок за Мекларен, бидејќи тимот имаше технички проблеми за време на предсезонските тестирања.
Норис и Даниел Рикардо го завршија отворањето на сезоната за Големата Награда на Бахреин без поени, иако Норис се врати во топ 10 на следниот настан од календарот во Саудиска Арабија.
Сеидл го пофали британецот за задржувањето на позитивен став во тешките моменти.
Надвор од болидот, беше доста импресивен како се справуваше со овие предизвици, како беше дел од тимот оваа година додека имавме потешкотии.
Минатата година тој беше многу важен и за мене, особено на почетокот на сезоната кога го имавме овој тежок почеток, ми помогна и да го водам тимот, да останаме позитивни и да ги мотивираме сите во тимот да возвратат што е можно побрзо.
Јас сум само среќен што го имам во тимот уште многу години.