Ленс Строл, возачот на Рејсинг Поинт, не се појави на денешната утринска сесија во пресрет на квалификациите за Ајфелското Гранд При, а екипата веќе работи на проценка на неговата состојба и можност да вози на квалификациите.
Утринската сесија е единствена во пресрет на квалификациите и трката поради тоа што дождот и маглата вчера не создадоа услови за возење.
ленс строл не се чувствува добро утрово и поради тоа нема да учествува на утринската сесија. неговата состојба се проценува и по сесијата ќе одлучиме дали ќе биде во можност да вози и ќе ги потврдиме плановите за квалификациите – гласи соопштението на рејсинг поинт.
Нико Хулкенберг го замени Серхио Перез на Силверстон оваа сезона откако Чеко имаше позитивен КОВИД-19 тест, така што тој е официјален резервен возач на тимот. Но, германецот не е присутен на Нирбургринг, иако живее во Келн, доста блиску до патеката и може да пристигне на квалификациите, но секако за да вози ќе му биде потребен негативен корона вирус тест.