Себастијан Фетел ја повика ФИА да направи промени во местото каде што се поставени каналите на сопирачките на болидите, откако вдишал јаглеродна прашина во Австрија.
Возачот на Астон Мартин се појави за своите медиумски должности по трката со кожата на лицето видно потемна откако беше покриен со прашина од сопирачките за време на Австриското Гранд При. На прашањето на Sky F1 за неговиот изглед и дали сè е во ред со неговиот АМР22, тој одговори:
Да бидам искрен со вас, тоа е нешто на што мислам дека треба да работат затоа што знаете, каде што се поставени каналите за сопирачките оваа година, предната оска ја дува целата прашина од сопирачките во нашите лица и тоа не е добро.
Очигледно, јаглеродниот прав не е навистина нешто здраво за вдишување. Затоа се надевам дека ФИА ќе го разгледа ова многу брзо бидејќи е бесмислено и лесно да се промени.
Севкупниот викенд на Фетел беше за заборавање за четирикратниот светски шампион, откако се квалификуваше последен од 20те тркачи во петокот, не ги заврши квалификациите за спринт во саботата и се судри со Пјер Гасли за време на трката, што го испрати четирикратниот светски шампион во песокот и ги уништи неговите шанси за понатамошни подобрувања во трката.
Гасли доби казна од пет секунди откако беше утврдено дека тој е виновен за нивната несреќа, но Фетел не беше целосно сигурен за степенот на штетата што ја имаше неговиот Астон Мартин по неговиот судир.
Не знам. Подот изгледаше малку оштетен, имав парче што го удрив со предното крило, претпоставувам, некои остатоци што паднаа од мојот болид.
Не знам, треба да погледнеме, но очигледно не е добар ден.
Ограничувањата на патеката беа исто така големо прашање за време на тркачкиот викенд, при што белите линии беа строго контролирани околу Ред Бул Ринг. Голем број предупредувања беа дадени во неделата бидејќи возачите ги надминаа границите на патеката во премногу прилики, при што на Ландо Норис и уште тројца возачи им беше изречена временска казна за тоа.
Фетел беше свесен дека и тој доби казна од пет секунди по трката, што го врати на 17то и последното место во конечниот пласман и остана зачуден од тој развој.
Имав три надминувања и не добив предупредување. Значи, не знам како може да добијам казна ако не добијам предупредување затоа што имав три надминувања, така ми беше кажано до последниот круг, а потоа отиде на четири. Тоа е малку чудно.
Фетел сепак имаше 4 надминувања на границите за што и ја доби казната, како и останатите Норис, Гасли и Жу Гуанју.