Тимот на Мерцедес беше поразен од Мекларен на Големата Награда на Британија.
Луис Хамилтон повика на сериозни разговори во Мерцедес откако заврши зад болидот на Мекларен на Големата Награда на Британија.
Екипата со седиште во Вокинг воведе голем пакет надградби за Ландо Норис во Австрија и кои дебитантот Оскар Пиастри ги доби новите делови во Силверстон, каде што дуото го зазеде второто и третото место на гридот.
Норис успеа да ја зацврсти таа позиција, и покрај нападот на крајот на трката од Хамилтон кој беше на помеки гуми.
Пиастри ќе завршеше на третото место да не беше лошиот тајминг со безбедносното возило што му даде на Хамилтон шанса да влезе во бокс.
Мерцедес, преку тимскиот шеф Тото Волф и Хамилтон, се осврна на чекорите што ги направи Мекларен од воведувањето на аеродинамичната надградба која наликува на Ред Бул по квалификациите, и откако темпото на трката го потврди подобрувањето, Хамилтон призна дека Сребрените Стрели мора да се движат напред.
Дефинитивно беше сезона која се движи нагоре и надолу во последната година и половина – изјави тој.
На нашиот болид не очекува многу работа. Мислам дека точно знаeme што треба да направиме и треба да имаме сериозни разговори за тоа што ќе правиме понатаму.
Мекларен е доказ за насоката во која тргнаа, беше импресивно колку брзи беа при висока брзина.
Имаме силни страни во нашиот болид, долгите стинтови се одлични. Штом ќе го добиеме задниот дел што го имаат тие, ќе се движиме напред.
Тоа е она за што треба да се бориме. Џорџ имаше навистина одличен долг стинт на меките пневматици, а јас исто така и на медиум.
Мораме да се потпреме на добрите делови и само да додадеме некои други работи.