Шефот на Ред Бул, Кристијан Хорнер, уште еднаш го отфрли враќањето на Себастијан Фетел во Милтон Кејнс, бидејќи комбинацијата на двајца “алфа“ возачи во тимот нема да му е од корист.
Заминувањето на Фетел од Ферари го остава германецот без тим за наредната година, неговата позиција ја зазеде Карлос Саинз, а местото во Мекларен го пополни Даниел Рикардо. Празно место има во Рено за кое медиумите шпекулираат со Алонсо, Саинз па дури и Нико Хулкенберг.
Мерцедес пројавија заинтересираност за Фетел, но шефот Тото Волф има неколку алтернативи, а една од нив е да не го менува тандемот. Фетел ги освои сите четири титули со Ред Бул, а Хорнер признава дека не го замислува Фетел покрај Верстапен.
Мислам дека тоа нема да се случи. Имаме долг договор со Макс, а и Алекс врши одлична работа. Имаме добра динамика во тимот.
Искуството покажа дека не е добро да има двајца “алфа“ возачи. Себастијан е многу конкурентен возач и МИслам дека негово доаѓање нема да е добро за нас. Задоволни сме со нашиот тандем. Сигурен сум дека себ има опции.
Хорнер не се сомнева дека Фетел ќе продолжи во Формула 1 тркачката серија.
Тој е сеуште млад. Доколку одлучи да остане тој ќе биде многу конкурентен. Тоа треба тој да го реши и само тој ги знае опциите што ги има. себастијан е многу вреден и постигна многу во Формула 1 станувајќи еден од најуспешните возачи на сите времиња.