Мик Шумахер верува дека поголемиот број на трки во Формула 1 календарот го направија неизбежно рушењето на рекордот на неговиот татко Михаел од 13 победи, како што тоа го направи Макс Верстапен на Големата Награда на Мексико.
Михаел Шумахер постигна 13 победи од 18 трки додека го освои седмиот светски шампионат во 2004 година, а неговиот сонародник Себастијан Фетел исто така освои 13 Гранд При трки од 19 обиди во неговата победничка сезона во 2013 година. На Гранд При трката во Мексико, Верстапен беше изедначен со двајцата возачи на 13, но доминантното возење на Автодромо Херманос Родригез му обезбеди рекордна 14та победа.
Самиот Фетел го предизвика Верстапен да стигне до 16 победи на преостанатите две трки, но Шумахер верува дека било само прашање на време кога ќе се засени вкупниот број на неговиот татко. Поради порастот на популарноста на Формула 1, календарот се прошири на тековните 22 трки, со планирани 24 Гранд При настани за сезоната во 2023 година.
Во неговата кариера во периодот 1991-2006 и 2010-2012 година, најголем број трки на Михаел Шумахер во една сезона беше 20, во текот на неговата последна сезона.
Ние споредуваме 22 трки со неколку трки помалку, така што очигледно тој рекорд секогаш може да се собори – изјави Шумахер за медиумите.
Го зголемуваме бројот на трки, па сигурен сум дека кога ќе се зголеми на 24 трки, работите може повторно да изгледаат поинаку.
Што се однесува до самата трка на Шумахер, тој верува дека пониските температури на патеката е можно да влијаеле на тимот, при што тимскиот колега Кевин Магнусен заврши на 17то место.
Тоа беше борба, не знам дали беа температури на патеката или не, но очигледно од Т3 до квалификациите, перформансите прилично се променија и имаше повеќе од 10 степени во тоа.
Откако патеката се олади, се чинеше дека перформансите повеќе не беа таму, па затоа е доста жално.
Сепак, Имавме одлично темпо во еден круг во квалификациите, па сега само треба да го ставиме тоа во позитива и потоа се надеваме дека ќе бидеме во добра позиција за следните трки.