Антонио Џовинаци вели дека е во преговори да ја задржи улогата на резервен возач на Ферари откако ќе замине од Формула 1 на крајот на оваа сезона.
Џовинаци е резервен возач на Ферари од 2017 година, тестирајќи за тимот во неколку наврати, но има тркачко место во Алфа Ромео во последните три години. Во вторникот беше потврдено дека Џовинаци ќе го напушти своето тркачко место на крајот на сезоната за да направи место за Гуанју Жу.
Италијанецот наместо тоа, ќе се трка во Формула Е за Dragon/Penske Autosport, но очекува продолжување на неговата резервна улога во Ферари за да остане опција во Формула 1 за 2023 година.
На крајот, среќен сум со себе да бидам искрен во последните три години, цело време се подобрував себеси.
Сигурно некои работи може да бидат подобри, некои работи беа добри, задоволен сум со себе, ништо повеќе не можам да направам.
Секогаш кога ме прашувавте за мојата иднина, секогаш велев дека не е во мои раце и дека е вака, така што на крајот ова беше одлуката, а сега сум фокусиран на следниот чекор кој ќе биде Формула Е следната година и навистина сум возбуден за следната година.
Сега сè уште сум возач на Ферари и разговараме и за следната година. Сигурно дека е една од моите цели да останам овде и да видам што ќе се случи во 2023 година, се уште има тековни дискусии, но ние ќе се обидеме да се потрудиме – изјави разочараниот џовинаци.
Кими Раиконен, кој му беше тимски колега на Џовинаци во текот на неговиот тригодишен ангажман во Алфа Ромео, сочувствуваше со маката на италијанецот.
Очигледно е тешко за него, тој е многу добро момче, се познаваме подолго време, уште од времето на Ферари.
Но, знаете, така понекогаш оди. Се надевам дека најде нешто добро да прави и се надевам, еден ден, ќе има уште една шанса во Формула 1.