Валтери Ботас му даде поддршка на својот кинекси колега, Гуанју Жу, за останување на гридот односно во Алфа Ромео и следната сезона.
Финецот има повеќегодишен договор со швајцарската екипа од Хинвил, но неговиот колега за следната сезона сеуште не е потврден. Кинезот дојде во Алфа на почетокот од оваа година по три години минати во Формула 2 и стана првиот возач од најбројната земја на светот во Формула 1.
23-годишникот освои поен на својата прва трка која се возеше во Бахреин, а најдобриот резултат му дојде во Канада кога освои 4 поени со своето 8мо место.
На возачкиот пазар има доста опции, една од нив е искусниот Даниел Рикардо и “звучниот“ Мик Шумахер, но Ботас го претпочита Гуанју.
би било убаво да знам кој ќе ми биде колега догодина, но не се брзаме и не си ставаме премногу притисок за тоа. мислам дека жу е одличен за тимот и во моментов не гледам никаква причина зошто да не продолжи и следната година.
дефинитивно би дал поддршка за тој да продолжи со тимот затоа што иако е само една година во тимот, има одличен напредок и очекувам да биде уште посилен следната година. тоа е мое чувство, а мислам дека тој не е многу загрижен поради тоа, сака само да наведне глава и да работи за трките кои следуваат, а по трите последователни настани можеби ќе има повеќе време за преговори – посочи валтери.