Поранешниот Формула 1 возач и сегашен стручен коментатор и аналитичар, Мартин Брандл, ја одбрани ФИА за нивните одлуки да искористат серија црвени знамиња за време на Австралиското Гранд При.
Тој демантираше дека знамињата биле издадени само за да внесат возбуда во трката. Првото црвено знаме беше покажано во седмиот круг кога Александар Албон удри во заштитната бариера на свиокот 6. Беше одлучен рестарт од место и доцна во трката, Кевин Магнусен од Хаас удри во ѕидот и распарчи делови од својот болид низ патеката, по што беше истакнато второто црвено знаме. Тоа значеше дека трката ќе продолжи со преостанати два круга, што постави избезумен финиш во кој неколку возачи се откажаа со оштетувања.
Одлуката за рестартирање на трката во форма на стоечки старт беше критикувана од неколку возачи, вклучувајќи го и актуелниот светски шампион Макс Верстапен.
Но, Брандл не верува дека ФИА имала на ум забава за фановите кога одлучила да ги користи црвените знамиња.
Апсолутно не. Мислам дека немаше инструкции да се прикаже шоу кога е потребно.
Морате да влезете во чевлите на луѓето кои се одговорни. Лесно ни е да седиме настрана и да коментираме дека требало да го направиме ова, требало да го направиме тоа.
Во 2009 година, Фелипе Маса за малку ќе умреше додека дел од туѓ болид удри и ја распарчи неговата заштитна кацига. Таму е и улична патека со многу фанови од двете страни на патеката, а исто така и редарите и медицински лица кои се таму долу.
Значи, ако има парчиња карбон на патеката, не можете да дозволите да летаат низ воздухот со стотина километри на час.
Во случајот на несреќата на Магнусен, еден навивач беше повреден кога парче карбон прелета над оградата и го удри во раката. Иако Брандл вели дека забавата не била мотивирачки фактор зад црвените знамиња, тој признава дека тие изгледале непотребни, наведувајќи дека интервенцијата на безбедносното возило ќе била доволна.
Мислам дека кога Алекс Албон излета тие можеби само можеа да користат безбедносно возило и да го исчистат чакалот и да го отстранат болидот.
Црвеното знаме можеби изгледаше малку непотребно, но кон крајот на трката, имавме гума и тркало на патеката и многу остатоци.
Апсолутно сум убеден дека никој таму (во ФИА) не вели дека треба да се направи трката позабавна.
Без разлика дали носиме кристално јасни одлуки под притисок во моментот, очигледно го загубивме Чарли Вајтинг во Мелбурн каде што тажно почина, потоа поминавме низ фазата на Мајкл Маси за која сите знаат, особено во Абу Даби во 2021 година. Тогаш ФИА ја подели улогата, а сега имаме некоја како Нилс Витич.
Дали ги носи вистинските одлуки? Но, на крајот на денот, ние седиме овде во понеделник наутро и не сме одговорни ниту еден процент ако некој е убиен или повреден.